Surah Ash Shura Ayat 210 Translation Tafseer

Para 19 - وَ قَالَ الَّذِیْنَ

سورة الشعراء

Audio PDF

بِسْمِ اللّٰهِ الرَّحْمٰنِ الرَّحِیْمِ

26.210-212

وَ مَا تَنَزَّلَتْ بِهِ الشَّیٰطِیْنُ(210) وَ مَا یَنْۢبَغِیْ لَهُمْ وَ مَا یَسْتَطِیْعُوْنَﭤ(211) اِنَّهُمْ عَنِ السَّمْعِ لَمَعْزُوْلُوْنَﭤ(212)

Kanz ul Iman Kanz ul Irfan

کنزالایمان

او راس قرآن کو لے کر شیطان نہ اترے۔ اور وہ اس قابل نہیں اور نہ وہ ایسا کرسکتے ہیں ۔ وہ تو سننے کی جگہ سے دور کردئیے گئے ہیں ۔

تفسیر : ‎صراط الجنان

{وَ مَا تَنَزَّلَتْ بِهٖ: او راس قرآن کو لے کر نہ اترے۔} اس آیت اور اس کے بعد والی دو آیات میں ان کفار کا رد کیا گیا ہے جو یہ کہتے تھے کہ جس طرح شَیاطین کاہنوں کے پاس آسمانی خبریں لاتے ہیں اسی طرح وہ (مَعَاذَاللہ)رسولُ اللہ صَلَّی اللہ تَعَالٰی عَلَیْہِ وَاٰلِہٖ وَسَلَّمَ کے پاس قرآن لاتے ہیں ۔ان آیات کا خلاصہ یہ ہے کہ ’’اس قرآن کو لے کر شیطان نہ اترے اورنہ ہی وہ اس قابل تھے کہ قرآن لے کر آئیں اور نہ وہ ایسا کرسکتے ہیں کیونکہ یہ اُن کی طاقت سے باہر ہے۔وہ تو فرشتوں کاکلام سننے کی جگہ آسمان سے شعلے مار کردور کردئیے گئے ہیں یعنی انبیاء ِکرام عَلَیْہِمُ الصَّلٰوۃُ وَالسَّلَام کی طرف جو وحی ہوتی ہے، اسے اللہ تعالٰی نے محفوظ کردیا ہے۔ جب تک کہ فرشتہ اس کو بارگاہِ رسالت صَلَّی اللہ تَعَالٰی عَلَیْہِ وَاٰلِہٖ وَسَلَّمَ میں پہنچا نہ دے اس سے پہلے شیاطین اس کو نہیں سن سکتے۔(ابوسعود، الشعراء، تحت الآیۃ:۲۱۰-۲۱۲،۴ / ۱۸۱،جلالین مع جمل، الشعراء، تحت الآیۃ: ۲۱۰-۲۱۲، ۵ / ۴۱۲، ملتقطًا)

Next Ayat Prev Ayat